Suvchilar maktabida o’quv mashg’ulotlari davom etmoqda
Bugun 29-mart kuni Yangiariq tumani fermer xo’jaligi rahbarlari, ishchi hodimlariga “Suvchilar maktabi”da o’quv mashg’ulotlari bolib o’tmoqda. O’quv mashg’ulotlarida O’zbekiston Respublikasi Vazirlar Mahkamasi huzuridagi Suv muammolari ilmiy-tadqiqot markazi (SMITM) “Sug’orish va suvni tejaydigan texnologiyalar” laboratoriyasi kichik ilmiy hodimi Sadullayev Hikmat fermerlarga, hozirgi kunda suv tejamkor sug’orish texnologiyalarini qo’llashda davlat tomonidan berilgan imtiyozlar, tejamkor texnologiyalarining qanday qo’llanilishi, loyihalash jarayonlari haqida batafsil o’quv mashg’ulotini o’tdi.
Shunigdek, "Suvchilar maktabi" o’quv mashg’ulotlarida SMITM direktori texnika fanlari nomzodi O.Eshchanov hamda SMITM direktor o’rinbosari-ilmiy kotib PhD U.Sharipovlar ham "Suvchilar maktabi" o’quv kursi dasturiga ko’ra mashg’ulotlarda taqdimotlar bilan ishtirok etishmoqda.
Suv hayotning asosi, uning qayta tiklanadigan resursidir. Uni shunday boshqarish kerakki, uning tabiat bilan munosabatlari doimiyligi saqlanib qolsin.
“Suv O‘zbekiston Respublikasining davlat mulki, umummilliy boylik hisoblanadi, suvdan oqilona foydalanish lozim bo'lib, u davlat tomonidan qo'riqlanadi”
