Urganch shahrida FAO loyihasi va Xorazm viloyati suv xo’jaligi soha vakillari o‘rtasidagi hamkorlikdagi ishlar yuzasidan seminar tashkil etildi.
2024 yil 30 aprel kuni Urganch shahri Karavan mehmonxonasi binosida FAOning Qishloq xo‘jaligidagi suv resurslarini boshqarish bo‘yicha Missiya guruhi rahbari, FAO Qishloq va suv xo‘jaligi bo‘limi rahbari Maher Salman, va guruh a’zolari Er va suv bo'limi bo'limi xodimi Eva Peck, Irrigatsiya muhandisi Waqas Ahmad hamda FAO CACILM -2 va FOLUR loyihasining O‘zbekistondagi vakillari Mintaqaviy dasturlar koordinatori Makhmud Shaumarov, Loyihaning milliy menejeri Muhammadjon Kosimov, FOLUR loyihasi milliy menejeri Azizbek Nurbekov va boshqa onlayn rejimda ishtirokchilar qatnashdi.
Seminar ishida Chapqirg‘oq Amudaryo Irrigatsiya tizimlari havza boshqarmasi hamda Xorazm viloyati Qishloq xo’jaligi boshqarmasi rahbarlari va mutaxassislari, shuningdek seminarda O‘zbekiston Respublikasi Vazirlar Mahkamasi huzuridagi Suv muammolari ilmiy-tadqiqot markazi direktori O.Eshchanov ishtirok etishdi.
FAOning Qishloq xo‘jaligidagi suv resurslarini boshqarish bo‘yicha Missiya guruhining Toshsaka kanalini baholash bo'yicha ishlari joriy yilning 3 may kunigacha suv xo’jaligi ob’ektlarida davom etadi.
Seminar ishtirokchilari "Toshsaka tizimidagi magistral sug‘orish kanallarini qayta tiklash" loyihasi 1-bosqich ishlari yakunlari bo‘yicha loyiha samaradorligini baholash va kelajakda loyihaning 2-bosqichida Xalqaro tashkilotlar, milliy ekspertlar va mahalliy mutaxassislar bilan birgalikda suv resurslarini tejash, kanallarni betonlashtirish, suv xo‘jaligi ob’ektlarini boshqarishni monitoring qilish yuzasidan qilingan taqdimotlarni muxokama qildilar. Shu bilan birga seminarda loyihaning 2-bosqichini tashkil etish yuzasidan mutaxassislar tomonidan tegishli tavsiyalar berildi.
