SMITM ilmiy xodimlarining “Qurilish mexanikasi, gidravlika va gidrotexnika” (CONMECHYDRO - 2024) Oltinchi xalqaro ilmiy konferensiyasidagi ishtiroki to’g'risida
Joriy yilning 19-21-dekabr kunlari Toshkent irrigatsiya va qishloq xo‘jaligini mexanizatsiyalash muhandislari instituti milliy tadqiqot universiteti (TIQXMMI) tomonidan “Qurilish mexanikasi, gidravlika va gidrotexnika” (CONMECHYDRO - 2024) Oltinchi xalqaro ilmiy konferensiya tashkil qilindi.
 |  |
 |  |
Ushbu konferensiya TIQXMMI boshchiligida Qarshi muhandislik iqtisodiyot instituti, PETER THE GREAT ST.PETERSBURG POLYTECHNIC UNIVERSITY (Rossiya), MOSCOW STATE UNIVERSITY OF CIVIL ENGINEERING NATIONAL RESEARCH UNIVERSITY (Rossiya) hamda WESTERN CASPIAN UNIVERSITY (Azarbayjon) kabi bir qator oliy oquv yurtlari bilan hamkorlikda tashkil etildi.
Konferensiyadan koʻzlangan maqsad qishloq va suv xoʻjaligi, gidroenergetika va qurilish sohalarini modernizatsiya va innovatsion rivojlantirish, ushbu tarmoqlarda ilmiy maktablar uzluksizligini saqlash, professional kadrlar tayyorlashning yangi darajasini shakllantirish, xalqaro hamkorlikni rivojlantirishdan iborat. Shuningdek, tadqiqotchilar, ekspertlar, professor-o‘qituvchilar – O‘zbekiston Respublikasi va boshqa mamlakatlar manfaatdor professional hamjamiyatlari vakillarining keng doiradagi ilmiy va ta’lim manfaatlarini ro‘yobga chiqarishdan iborat. Konferensiya doirasida fizika, qurilish materiallari, qurilishning ishonchliligi va xavfsizligi, qurilishda muhandislik va aqlli tizimlar, qurilish konstruksiyalarini modellashtirish va mexanika, boshqaruv sohasida nazariya va amaliyot masalalari bo‘yicha ochiq va mazmunli muhokamalar o‘tkazilishi rejalashtirilgan. Bundan tashqari qurilish, gidrotexnika va melioratsiya, mexanizatsiyalash, qishloq xo‘jaligini elektrlashtirish va qayta tiklanuvchi energiya, fan va texnikaning ushbu sohalarida mavjud muammolarni hal qilish boʻyicha yangi gʻoyalar va yondashuvlar taklif etildi.
Mazkur konferensiyada Vazirlar Mahkamasi huzuridagi Suv muammolari ilmiy-tadqiqot markazi (SMITM) direktori Odilbek Eshchanov hamda markaz xodimlari Haydar Durdiyev va Hikmat Sadullayevlar zoom platformasi orqali ishtirok etib “The Impact of Fertigation Using a Drip Irrigation System Based on Soil Moisture Sensors on Cotton Yields in the Khorezm Region” nomli maqolaning taqdimoti uchun sertifikatni qo‘lga kiritdilar.
Konferensiyada chop qilingan maqolalar quyidagi bazalarda indekslanadi.
Suv hayotning asosi, uning qayta tiklanadigan resursidir. Uni shunday boshqarish kerakki, uning tabiat bilan munosabatlari doimiyligi saqlanib qolsin.
“Suv O‘zbekiston Respublikasining davlat mulki, umummilliy boylik hisoblanadi, suvdan oqilona foydalanish lozim bo'lib, u davlat tomonidan qo'riqlanadi”
