G‘alla maydonlariga yomg‘irlatib sug‘orish texnologiyasini joriy qilish bo'yicha ko'rgazmali amaliy seminar
2022 yilning 7-yanvar kuni Chapqirg‘oq Amudaryo irrigatsiya tizimlari havza boshqarmasi Xonqa tumanidagi “Fid grand” MChJ ning kuzgi g‘alla ekilgan 8 gektar maydonida yomg‘irlatib sug‘orish texnologiyasini joriy etilishi bo‘yicha viloyat ko‘rgazmali amaliy seminarini tashkil etdi.
Seminar ishtirokchilari g‘alla maydonlariga yomg‘irlatib sug‘orish texnologiyalarini joriy qilish va amalda dalada yomg‘irlatib sug‘orish ishlari bilan tanishdilar.
Mazkur seminarda O‘zbekiston Respublikasi Suv xo‘jaligi vazirligi Axborot-tahlil va resurs markazi sektor boshlig‘i A.Mangliev, Chapqirg‘oq Amudaryo irrigatsiya tizimlari havza boshqarmasi, irrigatsiya tizim boshqarmalari, tuman irrigatsiya bo‘limlari, viloyat meliorativ ekspeditsiya hamda nasos stansiyalari va energetika boshqarmalari boshliqlari, mutaxassislari, fermer xo‘jalik rahbarlari, Suv iste’molchilari uyushmalari rahbarlari, hamda O‘zbekiston Respublikasi Vazirlar Mahkamasi huzuridagi Suv muammolari ilmiy-tadqiqot Markazi ilmiy xodimlari I.Qalandarov, U.Sharipov, R.Xo‘janiyazov, F.Damirovlar ishtirok etdilar.
